Fréttaannáll
6. janúar 2015
TM tók þátt í ráðstefnu HÍ um rannsóknir í líf- og heilbrigðisvísindum
TM tók þátt í 17. ráðstefnunni í líf- og heilbrigðisvísindum Háskóla Íslands á Háskólatorgi. Þátttaka TM í ráðstefnunni hafði það að markmiði að auka þekkingu og tengsl við heilsu og vellíðan viðskiptavina okkar og er í takt við stefnu TM um samfélagsábyrgð.
7. janúar 2015
Uppskeruhátíð Fimleikasambands Íslands
Uppskeruhátíð Fimleikasambands Íslands var haldin í Hörpunni í boði TM þar sem framúrskarandi fimleikafólk var heiðrað. Einnig voru veittir styrkir úr afrekssjóði TM og vildarvina en sjóðurinn var stofnaður til að styrkja gífurlega hæfileikaríkt afreksfólk í fimleikum frekar til dáða.
31. janúar 2015
TM-mótið í Kórnumn
TM-mótið í Kórnum var haldið helgina 31. janúar til 1. febrúar. Alls komu saman 1.300 stúlkur í 5.–.8. flokki í knattspyrnu og spiluðu skemmtibolta. Allir þátttakendur voru sigurvegarar eftir helgina.
5. febrúar 2015
TM hlaut Ánægjuvogina í 14. sinn
Ánægjujvogin var veitt í sextánda skipti. TM hlaut hæstu einkunn á sínum markaði í fjórtánda sinn sem er einstakur árangur enda er TM það íslenska fyrirtæki sem oftast allra hefur hlotið viðurkenninguna.
5. mars 2015
TM hlýtur tvær tilnefningar til Lúðursins
Lúðurinn, Íslensku auglýsingaverðlaunin, eru veitt árlega. TM er var tilnefnt í tveimur flokkum í samkeppninni um Lúðurinn 2015. Tilnefningarnar voru í flokki vefauglýsinga fyrir; Lífsreikninn og fyrir árangursríkustu auglýsingaherferðina 2014.
19. mars 2015
TM tekur þátt í Barnakvikmyndahátíð
TM tók þátt í Alþjóðlegu Barnakvikmyndahátíð Reykjavíkur sem haldin var í Bíó Paradís 19.–29. mars 2015 í þriðja sinn. Hlutverk hátíðarinnar var að bjóða börnum, unglingum og fjölskyldum þeirra aðgang að áhugaverðum og vönduðum barna- og unglingamyndum víðs vegar að úr heiminum.
19. mars 2015
TM tekur þátt í frumkvöðlasjónvarpsþáttum
TM tók þátt í frumkvöðlasjónvarpsþáttunum Toppstöðin sem framleiddir voru af Sagafilm og sýndir á RÚV. TM hefur mikinn áhuga á að styrkja frumkvöðla og alla nýsköpun, hvort sem er einstaklinga með góðar hugmyndir eða ung sprotafyrirtæki.
25. apríl 2015
TM-mót Stjörnunnar
TM, ungmennafélagið Stjarnan og Garðabær buðu knattspyrnustúlkur og drengi í 5., 6. og 7. flokki velkomin á fyrsta stórmót sumarsins, TM-mót Stjörnunnar. Mótið stóð yfir tvær helgar 25.–26. apríl og 2.–3. maí. Þátttakendur mótsins í ár voru um 2400.
11. júní 2015
TM-mótið í Eyjum
TM-mótið í Eyjum fór fram dagana 11.–13. júní en TM-mótið hefur verið haldið árlega í Vestmannaeyjum síðan 1990. Þar kepptu um 900 stúlkur úr 5. flokki víðs vegar að af landinu sín á milli. Eins og alltaf var líf og fjör í Eyjum þessa skemmtilegu daga.
18. júní 2015
TM styrkir Reykjavík Midsummer Music
TM var styrktaraðili klassísku tónlistarhátíðarinnar Reykjavík Midsummer Music sem haldin var í fjórða sinn 18.–21. júní 2015. Hátíðin, sem laut listrænni stjórn Víkings Heiðars Ólafssonar píanóleikara, hefur fyrir löngu skipað sér sess sem einn skemmtilegasti viðburður tónleikaársins.
23. júní 2015
Lið TM í WOW Cyclothon hjólar af öllum lífs- og sálarkröftum
Lið TM í WOW Cyclothon hjólreiðakeppninni, skipað átta karlmönnum og einni konu, hjólaði af lífs- og sálarkröftum til styrktar uppbyggingu Batamiðstöðvar á geðsviði Landspítalans á Kleppi en málefni geðsjúkra hafa almennt ekki notið mikils stuðnings í samfélaginu.
3. júli 2015
Bílprófsstyrkur TM veittur
Marteinn Atli Gunnarsson bílprófsnemi skrifaði undir Bílprófssamning TM og var svo heppinn að vinna fyrsta 100.000 króna bílprófsstyrkinn sem veittur var á þessu ári.
30. ágústi 2015
Gengið frá Gljúfrasteini að Helgufossi
TM bauð viðskiptavinum sínum í göngu með leiðsögn frá Gljúfrasteini að Helgufossi í Mosfellsbæ. Fjöldi fólks tók þátt í göngunni. Að lokinni göngu var boðið upp á leiðsögn um Gljúfrastein – hús skáldsins.
16. september 2015
Brjóstagjafanámskeið
TM hélt tvö brjóstagjafanámskeið fyrir verðandi foreldra þar sem farið var yfir helstu atriði brjóstagjafar áður en barn fæðist. Námskeiðið var öllum opið og þátttaka var mjög góð.2. október 2015
TM tekur þátt í Heilsu og lífstíl í Hörpunni
TM tók þátt í sýningunni Heilsa og lífstíll í Hörpu dagana 2.-4. október. Gestum og gangandi var m.a. boðið í nudd.13. október 2015
Námskeið um svefn og næringu ungbarna
TM hélt áfram að bjóða foreldrum barna á fyrsta ári á námskeið til að bæta svefn og næringu barna sinna. Arna Skúladóttir, hjúkrunarfræðingur og sérfræðingur í svefni og svefnvanda barna, ásamt Rakel B. Jónsdóttur, hjúkrunarfræðingi og sérfræðingi í nýburahjúkrun, stýrðu námskeiðinu.
13. október 2015
Bílprófsnámskeið á Akureyri
Bílprófsnámskeið TM sem hefur verið haldið reglulega í höfuðstöðvunum í Síðumúla var einnig haldið á Akureyri til að ná til fleiri foreldra og bílprófsunglinga þeirra. Námskeiðin eru eingöngu fyrir viðskiptavini TM og er ætlað að minnka líkur á slysum og óhöppum hjá ungum ökumönnum í upphafi ökuferisins.
19. nóvember 2015
Eldvarnarátak á aðventunni
Eldvarnarátak Landssambands slökkviliðs- og sjúkraflutningamanna (LSS) sem TM er hluti af hófst. Slökkviliðsmenn heimsóttu vel á fimmta þúsund átta ára börn til að fræða þau og fjölskyldur þeirra um eldvarnir.
19. nóvember 2015
Svifaldan veitt í fimmta sinn
Svifaldan, verðlaunagripur fyrir Framúrstefnuhugmynd Sjávarútvegsráðstefnunnar 2015 var nú veitt í fimmta sinn af TM, en markmiðið er að efla umræður og hvetja til nýrrar hugsunar með framsæknum og frumlegum hugmyndum í sjávarútvegi.